ජනාධිපති ගෝඨාභය රාජපක්ෂ මහතා ධුරයෙන් ඉවත් විය යුතු බවට යෝජනාවක් සම්මත කර ගැනීමට පක්ෂ නායකයන් රැසක් තීරණය කර ඇතැයි වාර්තා වෙයි.
හෙට දිනයේ පාර්ලිමේන්තුවේ කැඳවන පක්ෂ නායක රැස්වීමේදී මේ පිළිබඳව යෝජනාව ඉදිරිපත් කිරීමට නියමිතව තිබේ.
මේ අතර විපක්ෂ නායක සජිත් ප්‍රේමදාස මහතා පාර්ලිමේන්තුවේ දී කියා සිටියේ පක්ෂ නායකයන් සියලු දෙනා ඉල්ලා සිටින්නේ නම් ජනාධිපතිවරයා ධුරයෙන් අස්වීමට සූදානම් බව පැවසූ බව කතානායකවරයා පක්ෂ නායක හමුවේදී පැවසූ බවයි.
නමුත් කතානායකවරයා විසින් විපක්ෂ නායකවරයාගේ එම ප‍්‍රකාශය ප‍්‍රතික්‍ෂෙප කලේය.
