රණවිරුවන්ගෙන් පළිගන්නා සංස්කෘතියක් මෙරට නිර්මාණය කළේ රාජපක්ෂවරුන් බව හිටපු හමුදාපති, ෆීල්ඩ් මාර්ෂල් සරත් ෆොන්සේකා මහතා චෝදනා කරයි. මාධ්‍ය වෙත අදහස් දක්වමින් ඔහු පෙන්වා දුන්නේ දරුවන් ත්‍රස්තවාදීන් වූ පමණින් පියවරුන් අත්අඩංගුවට ගන්නා ක්‍රමයක් ලෝකයේ කොහේවත් නොමැති බවයි. එල්.ටී.ටී.ඊ නායක ප්‍රභාකරන් ඝාතනය කිරීමෙන් පසුව පවා ඔහුගේ දෙමාපියන්ට වැල්වැටිතුරේ ජීවත් වීමට අවසර ලබා දුන් බව මන්ත්‍රීවරයා මෙහිදී සිහිපත් කළේය.
ඊබ්‍රාහිම් නමැති පුද්ගලයා පුරවැසියෙකු ලෙස වරදක් කර ඇත්නම් ඊට නීතියෙන් මුහුණ දිය යුතු බවත්, රණවිරුවෙකු වූ පමණින් හෝ රටට සේවයක් කළ පසුබිම මත නීතිය වෙනස් නොවන බවත් ඔහු අවධාරණය කළේය. කෙසේ වෙතත්, රණවිරුවන් දේශපාලන උවමනාවන් මත දඩයම් කිරීමේ පූර්වාදර්ශය සැපයූවේ රාජපක්ෂ පාලනය බව ෆොන්සේකා මහතා වැඩිදුරටත් සඳහන් කළේය.
