ශ්‍රී ලංකා ජාතික පිරිමි ක්‍රිකට් කණ්ඩායම, 2026 සැප්තැම්බර් මාසයේදී එංගලන්තයේදී සුදු පන්දුවාර තරගාවලියක් සඳහා සංචාරය කිරීමට නියමිත බව ශ්‍රී ලංකා ක්‍රිකට් ආයතනය නිල වශයෙන් තහවුරු කරයි. මෙම සංචාරයට ජාත්‍යන්තර විස්සයි20 තරග තුනක් (T20I) සහ ජාත්‍යන්තර එක්දින තරග තුනක් (ODI) ඇතුළත් වේ.
තරගාවලිය ආරම්භ වන්නේ 2026 සැප්තැම්බර් 15 වැනිදා සවුත්හැම්ප්ටන්හිදී පැවැත්වෙන පළමු විස්සයි20 තරගයෙනි. දෙවන විස්සයි20 තරගය සැප්තැම්බර් 17 වැනිදා කාඩිෆ්හිදී පැවැත්වෙන අතර, තෙවන සහ අවසන් විස්සයි20 තරගය සැප්තැම්බර් 19 වැනිදා මැන්චෙස්ටර්හිදී පැවැත්වීමට නියමිතයි. කෙසේ වෙතත්, මෙම තෙවන විස්සයි20 තරගයේ වේලාව තවමත් තහවුරු කර නොමැත.
විස්සයි20 තරගාවලිය අවසන් වූ පසු, එක්දින තරගාවලිය සැප්තැම්බර් 22 වැනිදා ඩර්හැම්හිදී ආරම්භ වීමට නියමිතයි. දෙවන එක්දින තරගය සැප්තැම්බර් 24 වැනිදා ලීඩ්ස්හිදීත්, අවසන් එක්දින තරගය සැප්තැම්බර් 27 වැනිදා ලන්ඩන්හිදීත් පැවැත්වීමට සැලසුම් කර ඇත.
