යුක්රේන යුද්ධයේ බලපෑමෙන් අවදි වූ ජර්මනිය, සිය ආරක්ෂක අංශය සම්පූර්ණයෙන්ම නවීකරණය කිරීමට පියවර ගනිමින් සිටිනවා. ඒ සඳහා ඔවුන් යොමු වී ඇත්තේ කෘත්‍රිම බුද්ධිය (AI) සහ අනෙකුත් අති නවීන තාක්ෂණික විසඳුම් වෙතයි.
ඔත්තු බැලීමේ කටයුතු සඳහා කැමරා සවි කළ කැරපොත්තන්, යුධ පිටියේ මෙහෙයුම් සඳහා AI රොබෝවරුන් සහ මිනිසුන් රහිත කුඩා සබ්මැරීන වැනි නිර්මාණ මේ වන විට ජර්මනියේ නව ආරම්භක ආරක්ෂක සමාගම් විසින් සංවර්ධනය කරමින් සිටිනවා. මෙමගින් යුධ කටයුතුවල ස්වභාවය සම්පූර්ණයෙන්ම වෙනස් වනු ඇතැයි අපේක්ෂා කෙරේ.
ජර්මනිය 2029 වන විට තම ආරක්ෂක අයවැය විශාල ලෙස ඉහළ නැංවීමටත්, මෙම අරමුදල් නව තාක්ෂණික පර්යේෂණ සහ සංවර්ධන කටයුතු සඳහා යෙදවීමටත් සැලසුම් කර තිබෙනවා. මේ වන විට ඇමෙරිකාවට පසුව යුක්රේනයට දෙවන විශාලතම හමුදා ආධාර ලබා දෙන රට බවට ජර්මනිය පත්ව තිබීම ද විශේෂත්වයක්.
