ලංකා ඉන්දීය තෙල් සමාගම විසින් අද සිට සිය බෙදුම්හල් කිහිපයක් ඔස්සේ ඔක්ටෙන් 100 පෙට්රල් අලෙවි කිරීම ආරම්භ කර තිබේ.
එය අනුව ශ්‍රී ලංකාව මෙම පෙට්රල් වර්ගය අලෙවි කරන ලෝකයේ අටවන රට බවට පත්වෙනු ඇත.
නවීන වාහන සඳහා භාවිතයට වඩාත් සුදුසු මෙම ඉන්ධන වර්ගයෙන් සුමට ධාවනයක් මෙන්ම වැඩි සැතපුම් ප්‍රමාණයක් සමග ඉහළ එන්ජින් ක්‍රියාකාරීත්වයක් අත්විඳිය හැකි බව සමාගම කියා සිටියි.
මෙම වර්ගයේ පෙට්රල් ලීටරයක් අලෙවි කරන්නේ රුපියල් 793කටයි.
