කැලණි පාලමේ සිට කොළඹ කොටුව දක්වා ගුවන් පාලමක් ඉදිකරන බව අග‍්‍රාමාත්‍ය රනිල් වික‍්‍රමසිංහ මහතා පවසනවා. රාජගිරියේ ඉදිවන ගුවන් පාලමේ නිරීක්ෂණ චාරිකාවකට එක්වෙමින් අග‍්‍රාමාත්‍යවරයා මේ බව කියා සිටියා. රුපියල් මිලියන 4700ක වියදමින් ඉදිකෙරෙන රාජගිරියේ ගුවන් පාලම ලබන ජනවාරි 09 වැනිදා විවෘත කරන බවයි අග‍්‍රමාත්‍යවරයා මෙහිදී සඳහන් කළේ.
2018 වසරේ දෙසැම්බර් මස වැඩ නිමකිරීමට යෝජිතව තිබූ රාජගිරිය ගුවන් පාලම 2018 ජනවාරි මස ජනාධිපතිතුමා විසින් විවෘත්ත කරන බවද, මන් තීරු දෙකක් පමනක් මුලින් ඉදි කිරීමට තිබූ යෝජනාවද ඉවත ලා මන්තීරු හතරම එකවර ඉදිකිරීම පිළිබඳවද අගමැතිවරයා මෙහිදී සඳහන් කළා.
රාජගිරියේ ඉදිරිවන ගුවන් පාලමේ නිරීක්ෂණ චාරිකාවට නියෝජ්‍ය අමාත්‍ය හර්ෂද සිල්වා ද එක්ව සිටියා.
(under the courtesy of nethnews.lk news web)
