ඉහළ පොලී අනුපාතයක් ලබා දෙන බව පවසමින් මුදල් ලබා ගෙන රුපියල් ලක්ෂ 50 කට වැඩි මුදලක් වංචා කළ බව කියන පුද්ගලයෙකුව හලාවත කොට්ඨාස වංචා විමර්ශණ අංශය විසින් අත්අඩංගුවට ගෙන ඇත.
පොලීසිය විසින් අත්අඩංගුවට ගෙන ඇත්තේ හලාවත – වැල්ල පදිංචිකරුවෙකි.
මේ වන විට මුදල් වංචාවට හසුවූ දෙදෙනෙකු වංචා විමර්ශණ අංශයට පැමිණ තමන්ට සිදුවී ඇති වංචාව සම්බන්ධයෙන් පැමිණිලි කර ඇත.
සැකකරු අත්අඩංගුවට ගෙන ඇති බව දැන ගත් තවත් කීප දෙනෙකුම ඒ සම්බන්ධයෙන් විමසුම් කළ බව විමර්ශණ කටයුතු සිදු කරන නිලධාරියෙකු පැවසීය.
ඒ අනුව සැකකරු කී දෙනෙකුගෙන් කොපමණ මුදලක් වංචා කර ඇද්ද යන්න නිශ්චිතවම අනාවරණය කළ නොහැකි බවද හෙතෙම කියා සිටියේය.
සැකකරුගෙන් තව දුරටත් ප්‍රශ්න කරමින් සිටී.
(under the courtesy of adaderana.lk news web)
