මෙවර අයවැයෙන් සැලසුම් සකස් කර ඇත්තේ ශී‍්‍ර ලංකාවේ අතීතයේ පැවති ප්‍රෞඩත්වය නැවත ඇති කිරීමට බව මුදල් අමාත්‍ය මංගල සමරවීර පවසනවා. ශී‍්‍ර ලංකාව කෘෂිකාර්මික රාජ්‍යයක් බවට සමාජගත වී ඇති වැරදි මතයද එයින් නිවැරදි කෙරෙන බවයි අමාත්‍යවරයා වැඩිදුරටත් පැවසුවේ. මාතර ඊයේ (24) පැවති සම්මන්ත‍්‍රණයකදි මෙම අදහස් පළ කෙරුණා.
මෑතදී සම්මත කෙරුණු දේශීය ආදායම් පනත මගින් බදු ආදායම මත සිදු කෙරෙන දේශපාලන ඇගිලි ගැසීම් වළක්වා ඇතැයිද මෙහිදී ප‍්‍රකාශ කෙරුණා. සීග‍්‍ර සංවර්ධනයක් සදහා එයද පිටිවහලක් වන බවයි අමාත්‍යවරයා පෙන්වා දුන්නේ.
මෙම නව පනත සම්මත කළ වහාම බලාත්මක කිරීමට මුලදී අපේක්‍ෂා කළත් ඒ පිළිබද ජනතාව දැනුවත් කිරීමට සහ ඊට හුරුවීමට කාලයක් ලබාදිය යුතු නිසා එය බලාත්මක කිරීම කල් දැමුණු බවද මුදල් අමාත්‍ය මංගල සමරවීර කියාසිටියා. ඒ අනුව ලබන වසරේ අපේ‍්‍රල් මස සිට මෙම නව පනත බලාත්මක කෙරෙන බවයි අමාත්‍යවරයා පැවසුවේ.
(under the courtesy of nethnews.lk news web)
