mediahumanrights.lk
Local News News

රජයේ යෝජනා මාලාවට සයිටම් බලධාරීන් හිස නමයි

උසස් අධ්‍යාපන අමාත්‍යංශයෙන් හෝ අධිකරණයෙන් ලබා දෙන  ඕනෑම තීරණයක් පිළිගැනීමට තමන් සූදානම් බව මාලඹේ සයිටම් පෞද්ගලික වෛද්‍ය විද්‍යාලයේ පාලනාධිකාරිය පවසනවා.
එහි ලේඛකාධිකාරී හුස්නි හුසේන් සඳහන් කළේ විශ්ව විද්‍යාල පනත අනූව උසස් අධ්‍යාපන අමාත්‍යංශයේ ලේකම්වරයා තම බලධාරියා ලෙස කටයුතු කරන බවයි. සයිටම් ආයතනය සම්බන්ධයෙන් පවතින ආරවුල නිරාකරණය කිරීම සඳහා උසස් අධ්‍යාපන අමාත්‍යංශය ඉකුත්දා යෝජනා 04ක් ඉදිරිපත් කරනු ලැබුවා.
එම යෝජනා පිලිගන්නේද යන්න සම්බන්ධයෙන් නෙත් නිවුස් කළ විමසීමකට පිළිතුරු ලබා දෙමින් සයිටම් වෛද්‍ය විද්‍යාලයේ ලේඛකාධිකාරී හුස්නි හුසේන් මේ බව සඳහන් කළා. වෛද්‍ය උපාධියට අදාළ අවසන් පරීක්‍ෂණය සමත් සයිටම් ශිෂ්‍යයන්ට හෝමාගම සහ අවිස්සාවේල්ල යන රෝහල්වල ශල්‍යකර්ම, වෛද්‍ය විද්‍යාව, නාරිවේදය හා ප‍්‍රසව විද්‍යාව සහ බාලක වෛද්‍ය විද්‍යාව යන විෂයන් යටතේ මාසය බැගින් වැඩිදුර සායනික පුහුණුවක් ලබාදීම පළමු යෝජනාව වනවා.
මෙම පුහුණුවෙන් අනතුරුව ශී‍්‍ර ලංකා වෛද්‍ය සභාවේ සහ විශ්ව විද්‍යාල ප‍්‍රතිපාදන කොමිෂන් සභාවේ ඒකාබද්ධ අධීක්‍ෂණය යටතේ පවත්වනු ලබන පරීක්‍ෂණයකට සයිටම් ශිෂ්‍යයන් මුහුණදිය යුතු බව රජයේ දෙවන යෝජනාවයි.
(under the courtesy of nethfm news web)

Related posts

අලූත් අවුරුදු විශේෂ ප‍්‍රවාහන සේවා අදත් – දුම්රිය මගීන්ට අනතුරු ඇගවීම්

Shiran Viraj

රනිල් පත් කිරීමෙන් දේශපාලන අර්බුදයක්.. රනිල් අවුලක…

Shiran Viraj

ඇමති විමල්ගෙන් ප‍්‍රශ්ණ කරන්නැයි අධිකරණය නියෝග කරයි…

Shiran Viraj