සේවක අර්ථ සාධක අරමුදල් හිමි පුද්ගලයින්ට ඊට අදාළ මුදල් සිය ගිණුමට තැන්පත් කළාද යන්න සම්බන්ධයෙන් දැන ගැනීම සඳහා ක්‍රමවේදයක් ඇති කිරීමට අමාත්‍ය දිනේෂ් ගුණවර්ධන ඉදිරිපත් කළ කැබිනට් පත්‍රිකාවට අමාත්‍ය මණ්ඩලය අනුමැතිය හිමිව තිබෙනවා.
ඒ අනුව මාසිකව සේවක අර්ථ සාධක අරමුදලට තමන්ට හිමි මුදල් තැන්පත් කළාද යන්න සම්බන්ධයෙන් වන තොරතුරු ජංගම දුරකථනය ඔස්සේ තොරතුරු ලබා ගත හැකි ක්‍රමවේදයක් මේ හරහා සැකසීමට නියමිත බවයි කැබිනට් තීරණ දැනුම් දෙමින් අමාත්‍ය රමේෂ් පතිරණ සඳහන් කර සිටියේ.
සේවක අර්ථ සාධක අරමුදල සඳහා මෙරට මිලියන 2.6ක පෞද්ගලික අංශයේ සේවක සේවිකාවන් පිරිසක් දායකත්වය දරනු ලබනවා.
(under the courtesy of nethnews.lk news web)
