සියම් මහා නිකායේ අස්ගිරි පාර්ශ්වයේ අනුනායක මස්වැන්නේ පූජ්ය නාරම්පනාවේ ආනන්ද හිමිපාණන් කැලණිය විශ්වවිද්යාලයේ නව කුලපතිවරයා ලෙස පත් කරනු ලැබ සිටිති.
ජනාධිපති අනුර කුමාර දිසානායක මහතා විසින් ඊයේ (02) සිට ක්රියාත්මක වන පරිදි මෙම පත් කිරීම සිදු කර ඇත.
මේ සම්බන්ධයෙන් වන නිල පත්වීම් ලිපිය ජනාධිපති ලේකම් ආචාර්ය නන්දික සනත් කුමාරනායක මහතා විසින් ඊයේ පස්වරුවේ ජනාධිපති ලේකම් කාර්යාලයේදී උන්වහන්සේ වෙත නිල වශයෙන් බාර දෙනු ලැබීය.
පූජ්ය නාරම්පනාවේ ආනන්ද හිමිපාණන් ශ්යාමෝපාලි මහා නිකායේ අස්ගිරි මහා විහාර පාර්ශ්වයේ නියෝජ්ය මහා නායක (අනුනායක) ධුරය මෙන්ම අස්ගිරි මහා විහාරීය කාරක මහා සංඝ සභාවේ ජ්යෙෂ්ඨ ලේඛකාධිකාරී ධුරය ද හොබවති.
