රජයේ වෛද්‍ය පීඨ ශිෂ්‍ය දෙමව්පිය සංගමය සහ සයිටම් ශිෂ්‍ය දෙමව්පිය සංසදය ආණ්ඩුවට ඉදිරිපත් කර ඇති යෝජනා කි‍්‍රයාත්මක කරන්නැයි රජයේ වෛද්‍ය නිලධාරීන්ගේ සංගමය ඉල්ලීමක් කරනවා.
සයිටම් ගැටළුව විසඳීමට රජයේ වෛද්‍ය පීඨ අටෙහි පීඨාධිපතිවරුන් ඉදිරිපත් කර ඇති යෝජනා කි‍්‍රයාත්මක කිරීම ඇතුළු කරුණු 4ක් ආණ්ඩුවට ඉදිරිපත් කරමින් එම දෙමව්පිය සංගම් ඊයේ (01) ඒකාබද්ධ නිවේදනයකට අත්සන් තැබුවා. ඒ, රජයේ වෛද්‍ය නිලධාරීන්ගේ සංගම් කාර්යාලයේදීයි.
රජයේ වෛද්‍ය නිලධාරීන්ගේ සංගමයේ මාධ්‍ය කමිටු සාමාජික ප‍්‍රසාද් කොළඹගේ පැවසුවේ එම යෝජනා සිය සංගමයද අනුමත කරන බවයි.
අන්තර් විශ්ව විද්‍යාලීය ශිෂ්‍යබල මණ්ඩලය පවසන්නේ අදාළ යෝජනා කි‍්‍රයාත්මක කිරීමේ වගකීමෙන් බැහැරවීමට නොහැකි තත්ත්වයකට ආණ්ඩුව මේ වනවිට පත්ව සිටින බවයි.
(under the courtesy of nethfm news web)
