අධිකරණ ඇමැති හර්ෂන නානායක්කාර මහතාගේ නම ඉදිරියෙන් ආචාර්ය පදවිය සඳහන් කිරීම සම්බන්ධයෙන් සිදු කරන විමර්ශනයකට අදාළව පාර්ලිමේන්තුවේ සභා ලේඛන කාර්යාලයේ සහකාර අධ්‍යක්ෂවරයා අද රහස් පොලිසිය හමුවට කැඳවා තිබේ.
අදාළ සිදුවීම සම්බන්ධයෙන් ඔහුගෙන් මෙහිදී ප්‍රකාශයක් සටහන් කර ගැනීමට නියමිතව තිබේ.
සභා නායක කාර්යාලයේ හා ආණ්ඩු පක්ෂ ප්‍රධාන සංවිධායක කාර්යාලයේ ප්‍රධානීන්ගෙන්ද මේ පිළිබඳව ප්‍රකාශ සටහන් කර ගැනීමට නියමිතව ඇත.
තම නම ඉදිරියෙන් ආචාර්ය පදවියක් සටහන් කිරීම සම්බන්ධයෙන් පරීක්ෂණ පරපවත්වා වරදකරුවන්ට නීතිය ක්‍රියාත්මක කරන ලෙස අධිකරණ අමාත්‍යවරයා පසුගියදා සිදු කරන ලද පැමිණිල්ලක් මත මෙම පරීක්ෂණ ක්‍රියාත්මකය.
