ඉරානයේ දිවංගත උත්තරීතර නායක අයතුල්ලා අලි ඛමේනි (Ayatollah Ali Khamenei) මහතාගේ රාජ්ය අවමංගල්ය උත්සවය සඳහා ශ්රී ලංකාව නියෝජනය කරමින් නියෝජ්ය කථානායක ආචාර්ය රිස්වි සාලිහ් මහතා සහභාගි වීමට නියමිතය. පසුගිය පෙබරවාරි මාසයේදී එල්ල වූ ඇමෙරිකානු – ඊශ්රායල ඒකාබද්ධ ගුවන් ප්රහාරයකින් ජීවිතක්ෂයට පත්වන විට ඒ මහතා 86 වන වියෙහි පසුවිය.
ඉරාන අගනුවර වන ටෙහෙරාන්හිදී එළඹෙන සෙනසුරාදා සහ ඉරිදා (ජූලි 04, 05) යන දිනවලදී මෙම නිල අවමංගල්ය උත්සව මාලාව පැවැත්වීමට සියලු කටයුතු සූදානම් කර තිබේ. එහිදී ජනාධිපති අනුර කුමාර දිසානායක මහතා වෙනුවෙන් නිල වශයෙන් ශ්රී ලංකාව නියෝජනය කරනු ලබන්නේ නියෝජ්ය කථානායකවරයා විසිනි.
මෙම අවමංගල්ය උත්සවය සඳහා අවසන් ගෞරව දැක්වීම වෙනුවෙන් ලොව පුරා රටවල් 30කට අධික සංඛ්යාවක රාජ්ය නියෝජිතයන් පිරිසක් ටෙහෙරාන් නුවර වෙත පැමිණීමට නියමිතය.
මේ වන විටත් ටෙහෙරාන් නුවර වෙත ළඟා වී සිටින ආචාර්ය රිස්වි සාලිහ් මහතාව ඉරාන රජයේ උසස් නිලධාරීන් මෙන්ම එරට පිහිටි ශ්රී ලංකා තානාපති කාර්යාලයේ නිලධාරීන් විසින් ද පිළිගෙන තිබේ.
