වත්මන් රජය හඳුන්වා දීමට උත්සාහ කරන අධ්යාපන ප්රතිසංස්කරණ පිටුපස සිටින්නේ දශක ගණනාවක් තිස්සේ මෙරට නිදහස් අධ්යාපනය විනාශ කිරීමට උත්සාහ කළ “නව ලිබරල් කේවට්ටයන්” පිරිසක් බව පෙරටුගාමී සමාජවාදී පක්ෂයේ අධ්යාපන ලේකම් පුබුදු ජයගොඩ මහතා පවසයි. තම සමාජ මාධ්ය ගිණුමේ සටහනක් තබමින් ඒ මහතා පෙන්වා දෙන්නේ, ජාතික ජන බලවේගය බලයට පත්වීමට පෙර දැරූ ප්රතිපත්ති සහ වර්තමාන ක්රියාකලාපය අතර බරපතල “ප්රතිපත්තිමය පීලිපැනීමක්” පවතින බවයි. මෙම ප්රතිසංස්කරණ සඳහා සම්බන්ධ වී ඇති පුද්ගලයන්ගේ නම් හෙළි කරමින් ඔහු චෝදනා කළේ ලෝක බැංකු ව්යාපෘතිවල සිටි සහ පෙර රජයන් නියෝජනය කළ පිරිසක් මෙයට සම්බන්ධ වී ඇති බවයි.
අග්රාමාත්යවරිය බුද්ධිමතුන් සහ විෂය ප්රවීණයන් ලෙස හඳුන්වන්නේ නිදහස් අධ්යාපන අයිතිය වැනසීමට කටයුතු කළ පිරිසක් බවත්, සුජාතා ගමගේ සහ සුනිල් ජයන්ත නවරත්න වැනි පුද්ගලයන් මේ පිටුපස සිටින බවත් ජයගොඩ මහතා අනාවරණය කළේය. පසුගිය මහ මැතිවරණ සමයේදී එක්සත් ජාතික පක්ෂයේ ප්රතිපත්ති නියෝජනය කරමින් කතා කළ පුද්ගලයන් අද ජාතික ජන බලවේගයේ අධ්යාපන ප්රතිසංස්කරණ වෙනුවෙන් පෙනී සිටීම හාස්යයට කරුණක් බව ඔහු පෙන්වා දෙයි. එදා මෙම පිරිස්වලට එරෙහිව තර්ක කළ ජාතික ජන බලවේගයේ නියෝජිතයන් අද එම ප්රතිපත්තිම වැළඳගෙන ඇති බවට ඔහු චෝදනා කරයි.
මෙම ප්රතිසංස්කරණ ක්රියාවලිය විකාරසහගත සහ විනාශකාරී එකක් බවත්, මෙවැනි පුද්ගලයන් මේ සඳහා පෙනී සිටීමම මෙම වැඩපිළිවෙළ ප්රතික්ෂේප කිරීමට ප්රමාණවත් හේතුවක් බවත් ඔහු අවධාරණය කළේය. බලය ලබා ගැනීමට පෙර සහ පසු රජය දක්වන ප්රතිපත්තිමය පරස්පරතාවය මෙමගින් මනාව පැහැදිලි වන බව පුබුදු ජයගොඩ මහතා වැඩිදුරටත් සඳහන් කළේය. නිදහස් අධ්යාපනය සුරැකීම වෙනුවෙන් පෙළගැසෙන ලෙස ද ඔහු සිවිල් සංවිධාන සහ මහජනතාවගෙන් ඉල්ලා සිටියි.
