සුළි කුණාටුවෙන් පීඩාවට පත් දරුවන්ගේ අධ්‍යාපනයට සහාය වීම අරමුණු කර ගනිමින්, ඔවුන්ට අවශ්‍ය පොත්පත් ඇතුළු පාසල් උපකරණ බෙදා දීමට පියවර ගන්නා බව ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතා පැවසීය.
ගංවතුර බැස ගිය වහාම මෙම සහන වැඩසටහන ක්‍රියාත්මක කරන බව ඔහු සඳහන් කළේය. මෙම සද්කාර්යයට සියලු දෙනා සහභාගී වන ලෙසද ඔහු ඉල්ලීමක් කළේය.
නෙලුම් මාවතේ පැවති සාකච්ඡාවකදී ඔහු සියළුම ශ්‍රී ලංකා පොදුජන පෙරමුණේ ආසන සංවිධායකවරුන්ගෙන් සහ ග්‍රාමීය නායකයින්ගෙන් ඉල්ලා සිටියේ, හානියට පත් ආගමික සිද්ධස්ථාන නැවත ගොඩනැඟීම හා පිළිසකර කිරීම සඳහා සක්‍රීයව සහයෝගය ලබාදීමට කටයුතු කරන ලෙසයි.
