දැනට රටේ පවතින ආපදා තත්ත්වය හේතුවෙන් මානුෂීය ආධාර සහ සහන මෙහෙයුම්වල යෙදී සිටින ශ්‍රී ලංකා ගුවන් හමුදාව, එම මෙහෙයුම්වල ආරක්ෂාව සහ කාර්යක්ෂමතාව සහතික කිරීම සඳහා මහජනතාවගේ සහයෝගය අපේක්ෂා කරයි.
ගුවන් හමුදාව මහජනතාවගෙන් කාරුණිකව ඉල්ලා සිටින්නේ, සහන මෙහෙයුම්වල නිරත වන ප්‍රදේශවල ඩ්‍රෝන යානා ක්‍රියාත්මක කිරීමෙන් සම්පූර්ණයෙන්ම වළකින ලෙසය.
අනතුරුදායක තත්ත්වයන්:
- ගුවන් අවකාශයේ අනවසර ඩ්‍රෝන යානා පැවතීම, ගුවන් ගමන් මාර්ගවලට සහ මුදා ගැනීමේ මෙහෙයුම්වලට බාධා ඇති කළ හැකිය.
- මෙවැනි තත්ත්වයන් ගුවන් යානා අනතුරු සිදුවීමට හේතු විය හැකි අතර, ගුවන් කාර්ය මණ්ඩලයේ ජීවිතවලට මෙන්ම භූමියේ සිටින පුද්ගලයන්ටද බරපතල තර්ජනයක් එල්ල කරයි.
දැනුම් දීම අනිවාර්යයි:
යම් හෙයකින් ඩ්‍රෝන යානා ක්‍රියාත්මක කිරීමට අවශ්‍ය නම්, යානා ගුවන්ගත කිරීමේ සහ ගොඩබෑමේ වේලාවන් පිළිබඳව ශ්‍රී ලංකා ගුවන් හමුදාවට කල්තියා දැනුම් දෙන ලෙසද මහජනතාවගෙන් ඉල්ලා සිටී.
දැනුම් දිය යුතු දුරකථන අංක:
- සාමාන්‍ය දුරකථන: 0112343970 / 0112343971
- ක්ෂණික දුරකථන: 115
