ජාතික ජන බලවේගයේ පාර්ලිමේන්තු මන්ත්රී ශාන්ත පද්මකුමාර මහතා සමඟ ඇති වූ මතභේදාත්මක සිද්ධිය සම්බන්ධයෙන් අත්අඩංගුවට ගනු ලැබූ පොලිස් කොස්තාපල්වරයා ඇප මත නිදහස් කිරීමට ඇඹිලිපිටිය මහේස්ත්‍රාත් අධිකරණය අද නියෝග කළේය. ඒ අනුව රුපියල් ලක්ෂ 2 බැගින් වූ ශරීර ඇප දෙකක් මත ඔහු මුදා හැරීමට අධිකරණය පියවර ගෙන ඇත.
සාපරාධී බිය ගැන්වීම් ඇතුළු චෝදනා කිහිපයක් යටතේ ඇඹිලිපිටිය පොලිසිය විසින් මෙම කොස්තාපල්වරයා අත්අඩංගුවට ගෙන තිබුණි. ඔහු මන්ත්‍රීවරයාට එරෙහිව කළ පහරදීමේ පැමිණිල්ල අධිකරණ වෛද්‍ය වාර්තා මඟින් තහවුරු නොවීමත්, එම පැමිණිල්ලේ බරපතළ පරස්පරතා පැවතීමත් හේතුවෙන් අසත්‍ය පැමිණිල්ලක් කිරීම සහ අපරාධමය බියගැන්වීම් යටතේ ඔහුට එරෙහිව නීතිය ක්‍රියාත්මක විය.
