රට මුහුණ දුන් බිහිසුණු ස්වභාවික ව්යසනයෙන් අනතුරුව වත්මන් ආණ්ඩුව ක්රියාත්මක කළ වැඩපිළිවෙල, ජනතා විමුක්ති පෙරමුණට අනුබද්ධ ජාතික භික්ෂු පෙරමුණේ ප්රධාන ලේකම් පූජ්ය වකමුල්ලේ උදිත හිමියන්ගේ පැසසුමට ලක්ව තිබේ.
උන්වහන්සේ මාධ්ය හමුවකදී අදහස් දක්වමින් දැඩිව අවධාරණය කළේ, වර්තමාන රජය බලයේ නොසිටියා නම්, මීට ඉහත පැවති රජයක් යටතේ මේ තරම් විශාල ව්යසන තත්ත්වයකට මුහුණ දීමට සිදුවීමේදී රටට සිදුවිය හැකි හානියේ බරපතලකම සිතා ගැනීමට පවා අපහසු බවයි.
හිමියන්ගේ ප්රකාශය
“ජාතික ජන බලවේගයේ රජයක් නොවී ඊට පෙර පැවති රජයක් බලයේ සිටියා නම්, මෙම මහා විනාශය හමුවේ අපගේ ඉරණම කෙබඳු වේදැයි අනුමාන කිරීම පවා අපහසු” බව ජාතික භික්ෂු පෙරමුණේ ප්රධාන ලේකම් වකමුල්ලේ උදිත හිමියන් ප්රකාශ කළහ.
උන්වහන්සේ තවදුරටත් කියා සිටියේ, මෙම තත්ත්වය “ද්වේශයෙන් හෝ ඊර්ෂ්යාවෙන් තොරව කල්පනා කරන සෑම අයෙකුම එක හඬින් පිළිගන්නා” කරුණක් බවයි.
එපමණක් නොව, ශ්රී ලංකාවේ මෙම ආපදා කළමනාකරණ ප්රයත්නය පිළිබඳව විදේශීය රාජ්ය නායකයන් සහ පොදු ජනතාව පවා යහපත් අදහස් පළ කරන බවද උන්වහන්සේ පෙන්වා දුන්හ.
