ඇමෙරිකාවේ ප්රකටම මල්ලවපොර ශූරයෙකු වන හල්ක් හොගන්, 71 හැවිරිදි වියේදී හෘදයාබාධයකින් මියගිය බව World Wrestling Entertainment (WWE) ආයතනය තහවුරු කර තිබේ. ඔහුගේ සැබෑ නම ටෙරී ජීන් බොලියා වන අතර, ගලා යන රන්වන් කෙස් කළඹට සහ උඩු රැවුලට ඔහු ප්රසිද්ධියක් ඉසිලීය.
පසුගිය බ්රහස්පතින්දා (ජූලි 24) ෆ්ලොරිඩාවේ පිහිටි සිය නිවසේදී හදිසි වෛද්ය තත්ත්වයක් වාර්තා වීමෙන් පසු, හදිසි සේවා අංශ ඔහුට ප්රතිකාර ලබා දී රෝහලට රැගෙන ගිය නමුත්, එහිදී ඔහු මියගොස් ඇති බව ක්ලියර්වෝටර් පොලිසිය තහවුරු කළේය. පොලිසිය සඳහන් කර ඇත්තේ, මෙය හෘදයාබාධයක් හේතුවෙන් සිදුවූ ස්වාභාවික මරණයක් බවට සැක කරන බවයි. හොගන් හට ජුනි මාසයේදී හෘද සැත්කමක් ද සිදු කර තිබුණි.
1977 දී වෘත්තීය මල්ලවපොර දිවියට පිවිසි හොගන්, 1983 දී World Wrestling Federation (WWF) සමඟ එක්වීමත් සමඟ විශාල ජනප්රියත්වයක් ලබා ගත්තේය. 1980 දශකයේ මල්ලවපොර ක්රීඩාව ගෝලීය වශයෙන් ප්රචලිත කිරීමට ඔහු විශාල දායකත්වයක් සැපයූ අතර, පසුව Hogan Knows Best රියැලිටි වැඩසටහන හරහා ද ඔහු ජනප්රිය විය. මෑතකදී ඔහු ඇමෙරිකානු ජනාධිපති ඩොනල්ඩ් ට්රම්ප්ගේ ප්රබල ආධාරකරුවෙකු ලෙස ද කටයුතු කළේය.
