ජනාධිපති අනුර කුමාර දිසානායක මහතා හිටපු ජනාධිපති මහින්ද රාජපක්ෂ මහතාට තිබූ ආරක්ෂාවටත් වඩා වැඩි ආරක්ෂාවක් යොදවා ඇති බව ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා පවසනවා.
ජනාධිපති ආරක්ෂාව පිළිබඳව එදා විවේචනාත්මකව කතා කළ ජනතා විමුක්ති පෙරමුණේ නායකයන්ට දැන් එය මදි බව පෙනෙන්නට ඇති බවත් ඔහු පෙන්වා දෙනවා.
සාගර කාරියවසම් මහතා ජනාධිපතිවරයාගේ තවත් තීරණ කිහිපයක්ද විවේචනය කළා. ඒ අතර, දේශීය ආයෝජකයන්ට විශාල ව්‍යාපෘති සඳහා ණය නොදීමට ගත් තීරණය සහ ගුරු සේවය සැහැල්ලු කරමින් කළ ප්‍රකාශය ද වේ.
එදා විපක්ෂයේ සිටියදී චීන ගනුදෙනු දූෂිත යැයි පැවසූ පාලනය, දැන් නැවතත් අධිවේගී මාර්ග ඉදිකිරීම් චීනයට ලබාදීමට සූදානම් වීම දෛවයේ සරදමක් බව ඔහු වැඩිදුරටත් කියා සිටියා.
