mediahumanrights.lk
Local News News

දරුවන් අතර වෛරස රෝග රැසක් පැතිර යාමේ අවධානමක්…

මෙම දිනවල ළමුන් අතර වෛරස් උණ රෝග කිහිපයක් පැතිර යමින් ඇති බව කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පැවසීය.

ඒ අතර ඉන්ෆ්ලුවෙන්සා රෝග තත්ත්වය ද වන බව පැවසීය.

කැස්ස,සෙම්ප්‍රතිශ්‍යාව ,උණ,හිසරදය සහ වමනය යන රෝග ලක්ෂණ ඇත්නම් එය ඉන්ෆ්ලුවෙන්සා රෝගී තත්ත්වය විය හැකිය.

ඉන්ෆ්ලුවෙන්සා රෝගය ඉක්මනින් බෝවන රෝගයක් බව වෛද්‍යවරයා පැවසීය.

ඒ අනුව පාසල්වල,දිවාසුරැකුම් මධ්‍යස්ථාන වල මෙම රෝග ලක්ෂණ ඇති දරුවන් සිටිනම් ඒ පිළිබඳ සැලකිලිමත් විය යුතුය.

මේ අතර මේ දිනවල දරුවන් අතර අත්පා මුඛ රෝගය පැතිර යමින් තිබේ.

එහිදී කට වටේ හෝ කට ඇතුලේ රතු ළප ඇතිවිය හැකිය.

අත්ලෙ සහ කකුලේ වතුර බිබිලි මතුවිය හැකි බව පැවසීය.

උණ ද දින දෙකක් පැවතිය හැකිය.

පෙර පාසල් සහ දිවා සුරැකුම් මධ්‍යස්ථාන වල එම රෝගය පැතිර යාමේ වැඩි අවධානමක් පවතියි.

ඉන්ෆ්ලුවෙන්සා සහ අත්පා මුඛ රෝගය වැළඳුණු දරුවන් හැකිතාක් ආරක්ෂා කාරීව නිවසේ රඳවා ගැනීම ඉතා වැදගත් බව පැවසීය.

ඩෙංගු රෝගය ද පැතිර යාම වේගවත් වී ඇතිබව වැඩිදුරටත් පැවසීය.

Related posts

අර්බුදයෙන් පීඩාවට පත් ශ‍්‍රී ලංකාවට ඕස්ටේ‍්‍රලියාවෙන් සහල් තොග…

Shiran Viraj

පළමු ටෙස්ට් තරගයෙන් එංගලන්තයට ලකුණු 211ක ජයක්

Shiran Viraj

චම්පිකගේ රාජගිරිය අනතුර නඩුවේ සාක්‍ෂිකරුවෙන් පොහොට්ටු කාර්යාලයෙන් පුරුදු කල බව පිලිගත්තා.

Shiran Viraj