mediahumanrights.lk
Local News News

ඡන්දෙ දාන්න වලංගු හැඳුනුම්පතක් රැගෙන යන්න…

ජනාධිපතිවරණයේදී ඡන්දය ප්‍රකාශ කිරීම සඳහා ඡන්ද පොළට යාමේදී වලංගු හැඳුනුම්පත් රැගෙන යාම අත්‍යාවශ්‍ය බව මැතිවරණ කොමසාරිස් ජෙනරාල් සමන් ශ්‍රී රත්නායක මහතා පැවසීය.

ඒ අනුව පුද්ගලයන් ලියාපදිංචි කිරීමේ දෙපාර්තමේන්තුව මගින් නිකුත්කර ඇති ජාතික හැඳුනුම්පත ,වලංගු විදේශීය ගමන් බලපත්‍රය ,වලංගු රියදුරු බලපත්‍රය රැගෙන යාමට හැකිය.

ඊට අමතරව රාජ්‍ය සේවා විශ්‍රාමික හැඳුනුම්පත ,වැඩිහිටි හැදුනුම්පත ,පුද්ගලයන් ලියාපදිංචි කිරීමේ දෙපාර්තමේන්තුව විසින් නිකුත් කරනු ලබන පූජ්‍ය පූජක හැදුනුම්පත ,පුද්ගලයන් ලියාපදිංචි කිරීමේ දෙපාර්තමේන්තුව විසින් නිකුත් කරනු ලබන ජාතික හැඳුනුම්පත් තොරතුරු තහවුරු කිරීමේ ලිපිය ද මෙවර ජනාධිපතිවරණයේදී ඡන්දය ප්‍රකාශ කිරීමට වලංගු බව කොමසාරිස් ජෙනරාල්වරයා පැවසීය.

මේ අතර මැතිවරණ කොමිෂන් සභාව විසින් නිකුත් කරනු ලබන තාවකාලික හැඳුනුම්පත ,ආබාධිත තැනැත්තන් සඳහා මැතිවරණ කොමිෂන් සභාව විසින් නිකුත් කරනු ලබන තාවකාලික හැඳුනුම්පත ද ඡන්දය ප්‍රකාශ කිරීම සඳහා වලංගු බව පැවසීය.

අපැහැදිලි හැඳුනුම්පත්,අමාත්‍යංශ ,දෙපාර්තමේන්තු ,රාජ්‍ය ආයතන, නිකුත් කර ඇති හැඳුනුම්පත්,ජාතික හැඳුනුම්පත ලබා ගැනීමට ඉල්ලුම් කිරීමේදී ලබා දෙන කුවිතාන්සිය ඇතුළු කිසිදු ලියකියවිල්ලක් පිළි නොගන්නා බව පැවසීය.

මේ ඡන්ද පොළට යාමේදී නිල ඡන්ද දැන්වීම් පත්‍රිකා රැගෙන යාම ඉතා වැදගත් වෙයි.

එය ඡන්ද පොල නිලධාරීන්ට පහසුවක් බව කොමසාරිස් ජෙනරාල්වරයා වැඩිදුරටත් පැවසීය.

– Reporter

Related posts

රට බංකොලොක් වීමට හේතුව GMOA යෝජනාවක් නිසා යයි ප‍්‍රබල චෝදනාවක්..

Shiran Viraj

නැගෙනහිර බෞද්ධ අධ්‍යාපනය නඟා සිටුවන්න අකිලගේ අවධානය

Shiran Viraj

ආනන්ද නාලන්ද ගැටුමට මුල පෙම් පළහිලව්වක්

Shiran Viraj