හිටපු ජනාධිපති ගෝඨාභය රාජපක්ෂ මහතාගෙන් ප්‍රකාශයක් ලබා ගන්නැයි අධිකරණය විසින් පොලිසියට නියෝග කර ඇත.
ජනාධිපති මන්දිරයේ දී 178 ලක්ෂයක මුදලක් අරගල කරුවන් විසින් සොයා ගැනීමේ සිදු වීමට අදාලව මෙම නියෝගය නිකුත් කර ඇත.
මෙම මුදල හිටපු ජනාධිපතිවරයාගේ නිදන කාමරය තිබී හමුවූ බවත් එය අල්ලස් මුදලක්ද නැතිනම් වෙනත් කාරණයක් සඳහා ලැබූවක්දැයි සම්බන්ධයෙන් විමර්ශන සිදුකරනු ලෙසත් අධිකරණය හමුවේ කළ ඉල්ලීමක් සලකා බැලීමෙන් අනතුරුව මෙම නියෝගය නිකුත් කර තිබේ.
හිටපු ජනාධිපති ගෝඨාභය රාජපක්ෂ මහතා සිටිනා නිවසට ගොස් අදාළ ප්‍රකාශය ලබා ගන්නා ලෙසද කොටුව මහේස්ත්‍රාත් තිළිණ ගමගේ මහතා විසින් පොලිසියට නියෝග කරමින් දැනුම් දී ඇත.
