2026-11-13
mediahumanrights.lk
Local NewsNews

දැන් තත්වය ඉතාම හොදයි.. කොරෝනා හොදින් පාලනය වෙලා.. ඇදිරි නීතිය සදුදා ඉවත් කරනවා..- හමුදාපති

බස්නාහිර පළාතේ කොරෝනා වෛරසය පැතිරීම හොඳින් පාලනය වී ඇතැයි කොරෝනා පාලනය කිරීම සඳහා වූ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ශවේන්ද්‍ර සිල්වා මහතා සඳහන් කරයි.

ඒ අනුව දැනට එම පළාතට පනවා ඇති ඇඳිරි නීතිය එළඹෙන සදුදා වන විට ඉවත් කිරීමට බලාපොරොත්තු වන බවත් ඔහු පැවසීය.

එම කාලය තුළ එම පළාතේ සියලු ආසාදිතයන් හඳුනාගෙන අවසන් කරන ලෙස ජනාධිපති ගෝඨාභය රාජපක්ෂ මහතා උපදෙස් දුන් බවද ඔහු කියා සිටියේය.

තම තමන් ප්‍රවේශම් වුවහොත් මෙම ප්‍රශ්නය විසදා ගත හැකි බවත් පැවසූ ඔහු සෞඛ්‍ය නිර්දේශ වලට අනුගතව කටයුතු කරන්නැයි ජනතාවගෙන් ඉල්ලීමක් කරන බව සඳහන් කළේය.

එසේ කටයුතු කලහොත් ගැටලුව ඉක්මනින්ම විසඳාගත හැකි වෙතැයි ද පැවසූ ඔහු පවතින තත්වය ඉතාම හොඳ බවත් රට මුළුමනින් ම වසා දැමීමේ කිසිදු අවශ්‍යතාවයක් නැති බවත් තවදුරටත් කියා සිටියේය.

දෙවැනි කොරෝන රැල්ල මතු වුණු ආකාරය ගැන යම් යම් තොරතුරු ලැබී ඇතැයි ද කී ඔහු එළඹෙන සතියේ පමණ වෙන්ට ඒ ගැන නිශ්චිත තොරතුරක් ඉදිරිපත් කර හැකි වෙතැයි ද විශ්වාසය පළ කළේය.

lankacnews

Related posts

ජනපතිවරයා අගමැතිගේ ආර්ථික කමිටුව අහෝසි කරයි

Shiran Viraj

මා කී දේ නොකල ගෝටා ගෙදර.. කරන රනිල් තවමත් ජනපති…

Shiran Viraj

ජපන් ජබර, සැල්වීනියා, කටු පාසි, ප්ලාස්ටික් දෑ, ලී කැබලි ඇතුළු අපද්‍රවය කිලෝ දාහතර දහසක්(පැය 8 කට) ගොඩදැමිය හැකි යන්ත්‍රයක්…

Shiran Viraj
Translate »