mediahumanrights.lk
News Political

පළාත් සභා ඇමති සරත් වීරසේකරට පොහොට්ටුවෙන්ම විරෝධය – නරියට කුකුළා බාරදුන්නා වගේලු !

පළාත් සභාවලට මුල සිටම දැඩි විරෝධය දැක්වූ සරත් වීරසේකර මහතාට පළාත් සභා රාජ්‍ය අමාත්‍ය ධුරය ලබාදීම නරියාට කුකුළා භාරදීමක් වැනි කටයුත්තක් බව බස්නාහිර පළාත් සභා හිටපු මන්ත්‍රී මොරිස් විජේරත්න මහතා පවසනවා. ශ්‍රී ලංක‍ා පොදුජන පෙරමුණේ කාර්යාලයේදී අද (23) පැවති මාධ්‍ය හමුවට එක්වෙමින් හිටපු මන්ත්‍රීවරයා මේ බව සඳහන් කළේය.

එක එක මැති ඇමතිරුන් පළාත් සභා සම්බන්ධයෙන් විවිධ ප්‍රකාශ නිකුත් කිරීම හේතුවෙන් මේ වනවිට විශාල මාතෘකාවක් බවට පත්ව තිබෙන බව පෙන්වා දෙන මොරිස් විජේරත්න මහතා පවසන්නේ වාද විවාද කිරීම නවත්වා හැකි ඉක්මනින් පළාත් සභා මැතිවරණය පැවැත්විය යුතු බවයි. පළාත් සභා සුදු අලියෙක්ද නැද්ද යන්න සඳළුතලයේ සිට තීරණය කිරීම සුදුසු නොවන බවද ඔහු අවධාරණය කරනවා.

පළාත් සභා හරහා විශාල සේවයක් ජනතාවට සිදු වූ බවත්, එහෙත් වසර ගණනාවක් තිස්සේ පළාත් සභා අකර්මන්‍ය වීම හේතුවෙන් ජනතාව විශාල පීඩාවකට ලක්ව සිටින බවත් ඔහු පවසනවා. මන්ත්‍රීවරුන් 104 ක් විසින් පාලනය කළ බස්නාහිර පළාත් සභාව අද එක් ආණ්ඩුකාරවරයෙකු විසින් පාලනය කරන බවත් ප්‍රජාතන්ත්‍රවාදය පැත්තෙන් එය කිසිසේත් සුදුසු නොවන බවත් පෙන්වා දෙන හිටපු මන්ත්‍රීවරයා පවසන්නේ ජනතාවට තමන්ගේ නියෝජිතයන් පළාත් සභාවට පත්කර ගැනීම සඳහා අවස්ථාව ලබාදිය යුතු බවයි.

මෙම මාධ්‍ය හමුවේදී බස්නාහිර සහ වයඹ පළාත් සභා හිටපු මන්ත්‍රීවරුන් පිරිසක් ද අදහස් දැක්වූහ.

lanka lead news

Related posts

කි‍්‍රකට් නිලවරණය මැයි 19 – අර්ජුනත් සටනට

Shiran Viraj

කොරෝනාවෙන් මිය යන මුස්ලිම් ජාතිකයන් ආදාහනය කරනු.. භූමදාන එපා.. ඉස්ලාම් ලෝකයේ බුද්ධිමත්ම පාලක සාජා සුල්තාන් ප්‍රශ්නය විසදයි…

Shiran Viraj

මං කලේ බොරු..වරද පිලිගන්වා..මරණ දඬුම විදින්න ලෑස්තියි-නාමල් කුමාර කියයි..

Shiran Viraj