ඉරාන හමුදා නායක මේජර් ජනරාල් කාසෙම් සුලෙයිමානිගේ අවමංගල්‍ය උත්සවයේ සිදුවූ තෙරපිමකින් පුද්ගලයින් 35 දෙනෙක් මියගොස් තවත් 48 දෙනෙක් තුවාල ලබා තිබෙනවා.
විදෙස් වාර්තා පැවසුවේ භූමදාන කටයුතු සඳහා මියගිය මේජර් ජෙනරාල්වරයාගේ දේහය ඔහුගේ උපන් ගම වන කර්මන් වෙත රැගෙන ආ බවයි. මෙම අවස්ථාව සඳහා ඉරාන වැසියන් මිලියන ගණනක් සහභාගී වී තිබුණා. ඔවුන් අමෙරිකානු විරෝධී වැකි පවසමින් වීථිපුරා ගමන් කළ බවයි විදෙස් වාර්තා පැවසුවේ.
මේජර් ජෙනරාල් කසීම් සුලෙයිමානි ඉරාකයේ බැග්ඩෑඞ් ජාත්‍යන්තර ගුවන් තොටුපලේදී ඉකුත් දා ඝාතනයට ලක්වුණේ අමෙරිකාව එල්ල කළ රොකට් ප්‍රහාරයකින්.
(under the courtesy of nethnews.lk news web)
