සිර දඬුවමින් නිදහස් වී පැමිණි පසු මෙරට භෞමික අඛණ්ඩතාව, ඒකීයභාවය හා බුද්ධාගමේ චිර ජීවනය වෙනුවෙන් නායකත්වය ගෙන කටයුතු කරන්නැයි අමාත්‍ය රවී කරුණානායක සිරදඬුවම් විදින බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන් ගෙන් ඉල්ලීමක් කර තිබේ.
ඇමැතිවරයා මෙම ඉල්ලීම කර ඇත්තේ ඤානසාර හිමියන්ගේ සුවදුක් බැලීම සඳහා ඊයේ දිනයෙහි වැලිකඩ බන්ධනාගාරයට ගිය අවස්ථාවේදීය.
මෙම අවස්ථාව සඳහා ඇමති මනෝ ගනේෂන් හා බස්නාහිර ආණ්ඩුකාර අසාද් සාලි යන මහත්වරුන් ද එක් වූහ.
ඥානසාර හිමියන් රෝගාතුර තත්ත්වයෙන් මේ වන විට වැලිකඩ බන්ධනාගාර රෝහලේ ප්‍රතිකාර ලබන අතර මෙම මැති ඇමති පිරිස උන්වහන්සේ මුණ ගැසුණේ එහිදීය.
(under the courtesy of lankacnews.com news web)
