පුත්තලම සිට කොළඹ හරහා බලපිටිය දක්වා වෙරළට ඔබ්බෙන් වන ගැඹුරු මුහුදු ප‍්‍රදේශවල සුළගේ වේගය අදත් විටින් විට වැඩි විය හැකි බවට කාලගුණ විද්‍යා දෙපාර්තමේන්තුව අනතුරු අගවනවා.
ඇතැම් විට එම මුහුදු ප‍්‍රදේශවල සුළගේ වේගය පැයට කිලෝමීටර් 60ක් පමණ දක්වා ද වැඩි විය හැකියි. මාතර සිට හම්බන්තොට හරහා පොතුවිල් දක්වා සහ පුත්තලම සිට මන්නාරම හරහා කන්කසන්තුරේ දක්වා වෙරළට ඔබ්බෙන් වන මුහුදු ප‍්‍රදේශවල ද සුළගේ වේගය පැයට කිලෝමීටර් 50ක් පමණ දක්වා වැඩි විය හැකි බවයි කාලගුණ අනාවැකියේ දැක්වෙන්නේ.
ධීවර සහ නාවික ප‍්‍රජාව ඒ පිළිබඳ විමසිලිමත් විය යුතු බවට ද එමගින් සිහි කැදවා තිබෙනවා.
