mediahumanrights.lk
News Political

ලංකාවේ වයස්ගතම හිටපු මන්ත්‍රී දිවි ගමනට සමුදෙයි

ශ්‍රී ලංකා නිදහස් පක්ෂ මන්ත්‍රීවරයකු ලෙස කටයුතු කළ ආර්.ආර්.ඩබ්ලිව්.රාජපක්ෂ මහතා අද (14) අභාවප්‍රාප්ත විය.
මිය යන විට 93වැනි වියේ පසුවූ ඒ මහතා ශ්‍රී ලංකාවේ වයෝවෘද්ධතම පාර්ලිමේන්තු මන්ත්‍රීවරයා ලෙසද සැළකිණි.
දොඩම්ගස්ලන්ද මැතිවරණ කොට්ඨාස නියෝජනය කළ ඒ මහතාගේ, බිරිඳ වන ලෙටීෂියා රාජපක්ෂ මහත්මියද ශ්‍රී ලංකා නිදහස් පක්ෂ පාර්ලිමේන්තු මන්ත්‍රීවරියක ලෙස කටයුතු කර ඇත.
ශ්‍රී ලංකාවේ සිටි ජ්‍යෙෂ්ඨතම නීතිඥවරයකු ද ලෙස සැලකුණු රාජපක්ෂ මහතා මියයන තෙක්ම වයඹ පළාතේ සිටි ජ්‍යෙෂ්ඨතම නීතිඥවරයා ලෙසද පිළිගැනීමට ලක්ව සිටියේය.
ශ්‍රී ලංකා කොමියුනිස්ට් පක්ෂයෙන් දේශපාලනය ඇරඹූ ඒ මහතා 1965 දී එවකට ශ්‍රී ලංකා නිදහස් පක්ෂයේ නායිකාවක වූ හිටපු අගමැතිනි සිරිමාවෝ බණ්ඩාරනායක මහත්මිය විසින් දොඩම්ගස්ලන්ද ආසන සංවිධායකවරයා ලෙස පත්කරනු ලැබ සිටියේය.
එම වසරේ පැවැති මහ මැතිවරණයෙන් රාජපක්ෂ මහතා ජයග්‍රහණය කළද පාලන බලය ලබාගත් එක්සත් ජාතික පක්ෂය විසින් ගොනුකළ ඡන්ද පෙත්සමකට අනුව ඔහුගේ මන්ත්‍රී ධූරය අහෝසි විය.
එපමණක් නොව ඔහුගේ ඡන්ද අයිතියද අධිකරණය විසින් වසර 7කට අත්හිටවනු ලැබීය.

(under the courtesy of nethnews.lk news web)

Related posts

උද්දමනය ඉහලට.. බැංකු පොලිය පහලට.. තැන්පතුකරුවන් මුදල් ඉවත්කර ගනිමින්.. බැංකු පද්දතියම අවදානමේ…

Shiran Viraj

කාසියේ වාසිය ශ්‍රී ලංකාවට (UPDATE)

Shiran Viraj

එංගලන්ත ප‍්‍රභේදය රට පුරා විය හැකියි.. මෙරට තුල තවත් දරුණු ප‍්‍රබේද ඇති විය හැකියි..

Shiran Viraj