කලා ලෝකෙට ඇතුළු වුණ ගමන් ජනප්‍රියත්වයට පත්වෙන්න පුළුවන් වෙන එකත් ඒ ලබන ජනප්‍රියත්වය හරහා නිර්මාණවලට දායක වෙන්න ලැබීමත් අපහසු කාර්යයක්‌. ඒත් කලාතුරකින් කෙනකුට ඒ වාසනාව හිමිවෙනවා. ඒ විදිහට වාසනාව හිමිවෙච්ච රංගන ශිල්පිනියක්‌ අපට හමුවුණා. ඇය තමයි චමත්කා.
2015 අවුරුද්දේ ඒ කියන්නේ මීට අවුරුදු දෙකකට ඉස්‌සෙල්ල ෆීල්ඩ් එකට ආපු චමත්කා ඉරාඡ් වීරරත්නගෙ මියුසික්‌ වීඩියෝ එකකට දායක වීමත් සමඟ බොහෝ දෙනකුගෙ කතාබහට ලක්‌වුණා. ඒ ගැන ඇහුවම චමත්කා කිව්වේ වැඩකට නැති කතා ඇයට කොහෙත්ම අදාළ නැති බවත් ක්‍ෂේත්‍රයේ අයගෙන් ලැබුණ හොඳ ප්‍රතිචාර තමන්ගේ ඉදිරිගමට ආශිර්වාදයක්‌ වුණ නිසාම වැඩිපුර නිර්මාණවලට දායක වීමේ අවස්‌ථාව උදාවුණා කියලයි. ඇත්තටම ඒ කතාව හරි මේ වෙනකොටත් චමත්කා නාලක විතානගේ ගෙ සරුංගල් කියන චිත්‍රපටයේ රූගත කිරීම්වලට සහභාගි වෙමින් කාර්ය බහුල ජීවිතයක්‌ලු ගෙවන්නෙ.
(දිවයින පුවත්පත ඇසුරෙනි)
previous post
