බස්නාහිර පළාත තුළ අනවසරයෙන් කසළ බැහැර කළ පුද්ගලයින් 154 දෙනෙකු පොලීසිය විසින් අත්අඩංගුවට ගෙන තිබේ. ශ්‍රී ලංකා යුධ හමුදා නිලධාරීන්ගේ ද සහය ඇතිව වැටලීම් සිදුකළ බව පොලිස් මාධ්‍ය ප්‍රකාශක කාර්යාලය පැවසුවේය. කොළඹ උතුර, කොළඹ මධ්‍යම, කොළඹ දකුණ, නුගේගොඩ, ගල්කිස්ස, ගම්පහ, කැලණිය, මීගමුව, කළුතර සහ පානදුර යන ප්‍රදේශ වල සිදුකළ වැටලීම් වලදී අදාළ පිරිස අත්අඩංගුවට ගත් බව සඳහන්වේ.වැඩිම පිරිසක් නුගේගොඩ ප්‍රදේශයෙන් අත්අඩංගුවට ගෙන ඇති බව පොලීසිය පවසයි.එම ප්‍රදේශයෙන් 35 දෙනෙකු අත්අඩංගුවට ගෙන ඇති අතර ගම්පහ ප්‍රදේශයෙන් 25 දෙනෙකුද, කැලණියෙන් 27 දෙනෙකු ද අත්අඩංගුවට ගෙන ඇති බව පොලීසිය පවසයි.අත්අඩංගුවට ගත් පුද්ගලයින්ට එරෙහිව නඩු පවරා ඇති අතර ඉදිරියටත් මෙවැනි වැටලීම් සිදු කිරීමට බලාපොරොත්තු වන බව පොලීසිය සඳහන් කළේය.
(under the courtesy of adaderana news web)
previous post
