ඌව පළාතේ නව සීනි කර්මාන්ත ශාලාවක් ආරම්භ කිරීමට ඉදිරිපත්ව සිටින සමාගමේ නියෝජිතයන් කිහිප දෙනෙකු මේ වනවිට දිවයිනට පැමිණ ඇතැයි ඌව වෙල්ලස්ස ජන අයිතීන් සුරැකීමේ පෙරමුණ පවසනවා.
එහි කැදවුම්කරු ඌව පළාත් සභා මන්ත්‍රී සමන්ත විද්‍යාරත්න පැවසුවේ ඊයේ රාත්‍රියේ මහියංගණයේ හෝටලයකදී එම සමාගමේ නියෝජිතයන් මෙරට නිලධාරීන් සහ දේශපාලකයන් පිරිසකට සාදයක් පවත්වා ඇති බවයි.
ඌව පළාතේ ඉඩම් අක්කර හැට දහසකට වැඩි ප්‍රමාණයක් මෙම ව්‍යාපෘතිය සදහා උක් වගා කිරීමට ලබාදීමට සැලසුම් කර ඇති බව ඌව වෙල්ලස් ජන අයිතීන් සුරැකීමේ පෙරමුණ චෝදනා කරනවා.
එම උත්සාහය පරාජය කිරීම සදහා අඛණ්ඩව සිය අරගලය ඉදිරියට ගෙන යන බවයි පළාත් සභා මන්ත්‍රී සමන්ත විද්‍යාරත්න සදහන් කළේ.
(under the courtesy of nethfm news web)
previous post
