ඇඹිලිපිටිය ලංගම ඩිපෝවේ බස් රථ රියදුරෙකුට පහරදීමේ සිද්ධිය සම්බන්ධයෙන් පුද්ගලයින් 05 දෙනෙකු අත්අඩංගුවට ගෙන තිබෙනවා. ඒ, අදාළ පහරදීම සම්බන්ධයෙන් ලද පැමිණිල්ලකට අනුවයි.
මෙම පහරදීම මුල් කර ගනිමින් ඇඹිලිපිටිය ලංගම බස්රථ රියදුරන් සහ කොන්දොස්තරවරුන් අද උදෑසන වැඩ වර්ජනයක නිරත වුණා. ඒකාබද්ධ කාලසටහන පිළිබද ඇති වූ ගැටළුවක් ඊට මුල් වූ බවයි නෙත් නිවුස් වෙත අදහස් දැක්වූ ඇඹිලිපිටිය ඩිපෝවේ විධායක නිලධාරී රවීන්ද්‍ර රාමවික‍්‍රම පැවසුවේ.
මෙවැනි සිද්ධීන් සම්බන්ධයෙන් පොලිසිය නිසි පියවර ගත්තේ නම් මෙවැනි පහරදීමක් සිදු නොවන බවයි මෙහිදී ප‍්‍රකාශ කෙරුණේ.
පහර කෑමට ලක් වූ රියදුරා මේ වනවිට ඇඹිලිපිටිය දිස්ති‍්‍රක් මහරෝහලේ ප‍්‍රතිකාර ලබනවා. වර්ජනය හේතුවෙන් දෛනිකව ධාවනය වන ලංගම බස් රථ 65ක් අද දිනයේ ධාවනය නොවන බවයි නෙත් නිවුස් වෙත වාර්තා වුණේ.
(under the courtesy of nethfm news web)
previous post
next post
