mediahumanrights.lk
Local News News

මුතුරාජවෙල අභය භූමියට කසල බැහැර කිරීම වළක්වන්නැයි ශ්‍රේෂ්ඨාධිකරණයට පෙත්සමක්

මුතුරාජවෙල අභය භූමියට කොළඹ මහනගර සභාව මගින් කසළ බැහැර කිරීම වළක්වන ලෙස අතුරු තහනම් නියෝගයක් නිකුත් කරන්නැයි ඉල්ලා අද (14) ශ්‍රේෂ්ඨාධිකරණය හමුවට මූලික අයිතිවාසිකම් පෙත්සමක් ඉදිරිපත් කෙරුණා.
ඒ, මුතුරාජවෙල ප්‍රදේශයේ පදිංචිකරුවන් තිස්පස් දෙනෙකු විසින්.
පසුගිය අප්‍රේල් 20 වනදා සිට කොළඹ නගරයෙන් බැහැර කෙරෙන කසළ මුතුරාජවෙල අභය භූමියට බැහැර කෙරෙනවා.
මේ හේතුවෙන් අභය භූමියක් ලෙස ප්‍රකාශයට පත් කර ඇති මුතුරාජවෙල ප්‍රදේශයේ ජෛව විවිධත්වයට හානිකර තත්ත්වයක් මතුව ඇති බව පෙත්සම්කරුවන් සිය මූලික අයිතිවාසිකම් පෙත්සමේ දක්වා තිබෙනවා.
දිගින් දිගටම කසළ බැහැර කිරීමෙන් ඒ අවට ප්‍රදේශවාසීන්ට සහ පරිසරයටද දැඩි හානියක් සිදුවන බවයි පෙත්සම මගින් පෙන්වා දි ඇත්තේ.
පාරිසරික අණපනත් කිහිපයක් උල්ලංඝණය වන එම කසළ බැහැර කිරීම තුළින් සිය මූලික අයිතිවාසිකම් කඩවන බවයි පෙත්සම්කරුවන් වැඩිදුරටත් පෙන්වා දී ඇත්තේ.
කොළඹ මහනගර සභාව, එහි නාගරික කොමසාරිස්වරයා, මධ්‍යම පරිසර අධිකාරිය, වත්තල ප්‍රාදේශීය සභාව ඇතුළු පාර්ශව 11 ක් පෙත්සමේ වගඋත්තරකරුවන් ලෙස නම් කර තිබෙනවා.

(under the courtesy of adaderana news web)

Related posts

කොවිඩ් ආසාදිත නොවන බවට තහවුරු නොකරන පුද්ගලයින්ට බ්‍රිතාන්‍යයට ඇතුල්වීම තහනම් : බ්‍රසීලයෙන් වාර්තාවන නව කොවිඩ් ප්‍රභේදය බ්‍රිතාන්‍යයටත්

Shiran Viraj

මේ අවමගුල් සැමරුම හොදටම මදි.. කොරෝනා ඉවර වුණාව ලොකුවට සැමරුමක් ගන්නවා..- තොණ්ඩමන්ගේ අවමගුලේදී ඔහුගේ පුත‍්‍රයා..

Shiran Viraj

යශාන් ගැන බිරිය කිව්ව දේ

Shiran Viraj