පෞද්ගලික රූපවාහිනී නාලිකාවක වැඩසටහන් නිෂ්පාදකවරයෙකු හා නිවේදිකාවක සුදු වෑන් රථයකින් පැහැර ගෙන ගොස් නිරුවත් කොට ඡායාරූප ගෙන මහමඟ දමාගොස් ඇති සිද්ධියක් මහරගම පොලීසියෙන් වාර්තා වේ.
වැඩසටහන් නිෂ්පාදකවරයා ඇරුව්වල පිහිටි තම නිවස බලා යමින් සිටියදී (පසුගිය 19 වැනිදා) ගිනි අවියක් පෙන්වා පැහැරගෙන ගොස් ඇති බව පැවසේ.
අදාළ වැඩසටහන් නිෂ්පාදකවරයා සතුව පැවති ජංගම දුරකථනය, මුදල් පසුම්බිය හා රන්මාලය ද, නිවේදිකාවගේ කරාඹු යුගලය, මාලය, ජංගම දුරකථනය හා මුදල් පසුම්බිය ද මෙම කොල්ලකරුවන් විසින් පැහැර ගෙන ඇති බව වාර්තා වේ.
කෙසේවුවද, පැහැර ගැනීම හා මංකොල්ලය පිළිබඳව කිසිදු තොරතුරක් මාධ්‍ය වෙත ලබා නොදෙන ලෙස අදාළ මාධ්‍ය නාලිකාව පොලීසියෙන් ඉල්ලීමක් කර ඇති බවද වාර්තා වේ.
-අචලා පියරත්න-
(under the courtesy of srilankamirror news web)
