mediahumanrights.lk
Local News News

බොල්ගොඩ ජලාශයේ ආරක්ෂිත බැම්ම යළි පිළිසකර කෙරේ

කළුතර – පනාපිටිය – බොල්ගොඩ ජලාශයේ හරස් කොට තිබූ ආරක්ෂිත වේල්ල මේ වන විට යළි පිළිසකර කර තිබෙනවා.
ඊයේ රාත්‍රියේ ඇති වූ අවදානම් තත්ත්වය හේතුවෙන් පානදුර – දකුණ, පානදුර – උතුර, වාද්දූව, බණ්ඩාරගම, මොරොන්තුඩුව සහ අගුරුවාතොට යන ප්‍රදේශවල ජනතාවට ගං වතුර අවදානමක් ඇති විය හැකි බවටයි පොලීසිය සදහන් කළේ.
කෙසේ වෙතත් එම තත්ත්වය මේ වනවිට පහව ගොස් තිබෙනවා.
එමෙන්ම ගිං ගඟ පිටාර ගැලීමත් සමඟ බද්දේගම නගරයට ගං වතුර ඒම වැළැක්වීම සඳහා ඉදිකර ඇති බැම්ම කැඩී යාමේ අවදානමක් පැවතිය ද එය වැලි කොට්ට දමා පිළිසකර කෙරුණා.
මේ අතර නිල්වලා ගඟ ප්‍රදේශ කිහිපයකින් පිටාර ගැලීමත් සමඟ කිඹුල් අවධානමක් ගංඟාව අවට ප්‍රදේශවල ඇති බව මාතර දිස්ත්‍රික් ලේකම් ප්‍රදීප් රත්නායක පවසනවා.
ඒ හේතුවෙන් ජලය බැස ගියත් ගංඟාව අවට ප්‍රදේශවල ජනතාව ජලයට බැසීමේදී විමසිලිමත් විය යුතු බවයි හිරු ප්‍රවෘත්ති අංශය කළ විමසීමක දී ඔහු කියා සිටියේ.
(under the courtesy of hirunews news web)

Related posts

පාඨලී චම්පිකගේ පාලන කාලයේ ගල් අඟුරු මිළදී ගැනීමේදී රුපියල් බිලියන 1.1ක පාඩුවක් සිදුවෙලා- කෝප් කමිටුව

Shiran Viraj

බිළිඳියකගේ සිරුරක් ලක්ෂපාන දියඇල්ල පහළින් හමුවෙයි – ඇල්ලෙන් පහළට පැන්න මව අතුරුදහන්

Shiran Viraj

චැලි සුදා අත්අඩංගුවට

Shiran Viraj