ඛණිජ තෙල් වෘත්තීය සමිති එකමුතව සහ විෂයභාර අමාත්‍ය චන්දිම වීරක්කොඩි අතර අද (24) පෙරවරුවේ පැවැත්වීමට නියමිතව තිබූ සාකච්ඡාව දෙපාර්ශවයේම එකඟතාව මත පස්වරුව දක්වා කල් දමා තිබෙනවා.
ඛණිජ තෙල් වෘත්තීය සමිති එකමුතුවේ කැඳවුම්කරු ඞී ජේ රාජකරුණා සඳහන් කළේ පස්වරු දෙකට මෙම සාකච්ඡාව පැවැත්වෙන බවයි.
පෙරවරු 11 යි 30ට මෙම සාකච්ඡාව පැවැත්වෙන බව මීට පෙර නිවේදනය කර තිබුණා.
පවතින තත්වය සම්බන්ධයෙන් අවධානය යොමු කර එම සාකච්ඡාව පස්වරු දෙකට ආරම්භ කිරීමට තමන් ඉල්ලා සිටි බවයි ඞී ජේ රාජකරුණා වැඩිදුරටත් සඳහන් කළේ.
එමෙන්ම තමන් ආරම්භ කළ වෘත්තීය ක‍්‍රියාමාර්ගය මේ වනවිට ඉතා සාර්ථකව ක‍්‍රියාත්මක වන බවද ඔහු සඳහන් කළා.
මේ අතර සේවක වෘත්තීය ක‍්‍රියාමාර්ගය හේතුවෙන් ඉන්ධන බෙදා හැරීමේ කටයුතුවලට බාධා එල්ල වී ඇති බව ඛනිජ තෙල් නීතිගත සංස්ථාව ප‍්‍රකාශ කළා.
previous post
next post
