mediahumanrights.lk
Local News News Political

සයිටම් වෙඩි ඩ්‍රාමා එක පසුපස සිටින අකුරු දෙකේ දේශපාලකයා කවුද?

මාලඹේ පෞද්ගලික වෛද්‍ය විද්‍යාලයේ ප්‍රධාන විධායක නිලධාරී සමීර සේනාරත්න ගමන් ගත් වාහනයට වෙඩි තැබීමේ සැලසුම් සහගත රඟදැක්වීම පිටුපස සිටින්නේ අකුරු දෙකකින් ප්‍රසිද්ධව සිටින දේශපාලන චරිතයක් බවත් මේ සියල්ල ඔහුගේ කීම් බහට හා උදව් ඇතිව නිර්මාණයවූ නාටකයක් බවත් මේ වනවිට දේශපාලන ලෝකයේ කතාබහක් ඇතිව තිබේ.
ඒකාබද්ධ විපක්ෂයේ මාධ්‍ය හමුවකට සහභාගි වෙමින් පාර්ලිමේන්තු මන්ත්‍රි ඩලස් අලහප්පෙරුමද ඊයේ පැවසුවේ මෙම සිදුවීමට අදාළව ප්‍රාදේශීය දේශපාලනඥයකු සිටින බවත් ඔහුව අල්ලාගන්නට අසමත්ව ඇති බවත් පොලිසිය පැවසුවත් සිටින්නේ ඔහු නොව පාතාල ගනුදෙනු කරන ප්‍රධාන දේශපාලන චරිතයක් බවයි.
මේ සිද්ධිය පිටුපස සිටින්නේ ප්‍රාදේශීය දේශපාලනඥයකු යැයි ලඝු නොකොට එය සැලැසුම් කළ ප්‍රධාන දේශපාලනඥයා කවුරුන්දැයි වහා හෙළිදරව් කිරීමට පොලිසියට නිර්භීතකම ලැබේවා කියා හෙතෙම ප්‍රාර්ථනයක්ද කළේය.
සිද්ධියට අදාළ සියලු කරුණු සයිටම් ආයතනයට, පාර්ලිමේන්තුවට හෙළිදරව් කරන බවට පොරොන්දු වූ අගමැතිවරයාගේ වගකීම වෛද්‍යවරයකු නමින් පෙනී සිටි සමීර සේනාරත්නට එරෙහිව නීතිය ක්‍රියාත්මක කිරීම බවද ඔහු පෙන්වාදී ඇත.

Related posts

සංචරණ සීමා ඉක්මවූ තීන්දුවක්..- අගමැති

Shiran Viraj

සහන භාණ්ඩ රැගත් විශේෂ චීන ගුවන් යානයක්

Shiran Viraj

මව ඝාතනය කර හදවත ආහාරයට ගත් සිත්පිත් නැති අජාසත් පුත්‍රයා

Shiran Viraj