ලැප්ටොප් තහනමට හේතුව හෙළිවෙයි

ගුවන් මගීන් සඳහා ඇමරිකාව සහ බ්‍රිතාන්‍ය ඊයේ (21) පැනවූ ලැප්ටොප් පරිගණක ඇතුළු ඉලෙක්ට්‍රොනික් උපකරණ තහනමට හේතුව අයි.එස් ත්‍රස්ත තර්ජනයක් බව වාර්තා වනවා.
දෙරටේ බුද්ධි අංශයේ රහසිගත වාර්තා මගින් පෙන්වා දී ඇත්තේ ලැප්ටොප් පරිගණක වැනි ඉලෙක්ට්‍රොනික උපකරණ හරහා ගුවන් යානා තුලට බෝම්බ රැගෙන යාමේ අවධානමක් පවතින බවයි.
අයි.එස් ත්‍රස්ත සංවිධානය උඩු ගුවනේදී ගුවන් යානා පිපිරවීමක් සිදු කිරීමට සැලසුම් කරමින් සිටින බවටද තොරතුරු ලැබී තිබෙනවා.
පවතින තත්ත්වය මත ගුවන් මගීන්ගේ ආරක්ෂාව වෙනුවෙන් ඇමරිකාව සහ බ්‍රිතාන්‍ය ඉදිරියේදී තවත් තීරණ කිහිපයකට අවතීර්ණ වීමට සැරසෙන බවට විදෙස් මාධ්‍ය අද වාර්තා කළා.
(under the courtesy of hirunews news web)