පිළිමතලාවේදී දුම්රියක ගැටීමෙන් කාන්තාවක් මරුට

පිළිමතලාව දුම්රිය හරස් මාර්ගය ආසන්නයේදී දුම්රියක ගැටීමෙන් කාන්තාවක් මිය ගොස් තිබේ.
පොලීසිය සඳහන් කළේ, අද දහවල් කොළඹ සිට මහනුවර බලා ධාවනය වූ දුම්රියේ ගැටී මෙම කාන්තාව මිය ගොස් ඇති බව ය.
ඇය සිය දියණිය සමග දුම්රිය මාර්ගය හරහා මාරුවීමට යාමේදී මෙම අනතුරට මුහුණ පා තිබේ.
තුවාල ලැබූ ඇගේ දියණිය පේරාදෙණිය රෝහලේ ප්‍රතිකාර ලබන අතර අනතුරින් මිය ගොස් ඇත්තේ වයස 50 හැවිරිදි කාන්තාවකි.