පොහොර, රසායනික හා ඖෂධ කර්මාන්තයේ නිරත මෙරට ප්‍රමුඛ පෙළේ සමාගම් සමූහයක් වන CIC හෝල්ඩිංග්ස් පීඑල්සී විසින් Unipower (පුද්) සමාගමේ 70% ක කොටස් හිමිකාරීත්වය අද (16) දිනයේ දී මිල දී ගෙන තිබේ.
විශේෂ වූ පොහොර, කෘෂි රසායනික ඇතුළු කෘෂි යෙදවුම් සඳහා විශේෂීකරණය වූ සමාගමක් ලෙසින් Unipower (පුද්) සමාගම සැලකේ. Yara, Everris, Grow More, Farmcochem, Gineger, Goizper යනා දී ලොව ප්‍රමුඛ පෙළේ කෘෂි යෙදවුම් ගණනාවක මෙරට නියෝජනය සිදුකරනු ලබන්නේ Unipower (පුද්) සමාගම විසිනි.
CIC හෝල්ඩිංග්ස් පීඑල්සී විසින් අද දින Unipower (පුද්) සමාගමේ කොටස් 376,000 ක් මිල දී ගනු ලැබූ අතර ඒ සඳහා එක් කොටසකට ගෙවන ලද මිල රුපියල් 632.17 කි. මේ අනුව මෙම ගනුදෙනුවේ මුළු වටිනාකම රුපියල් 238,075,222.00 ක් වේ. මෙය Unipower (පුද්) සමාගමේ ප්‍රකාශිත ප්‍රාග්ධනයෙන් 70% කි.
මේ අනුව අද දින සිට Unipower (පුද්) සමාගම, CIC හෝල්ඩිංග්ස් පීඑල්සී හි පරිපාලිත සමාගමක් බවට පත්වනු ඇත.
(under the courtesy of adaderana news web)
