ශ්‍රී ලංකාවේ ආරක්ෂක හමුදා ලෝකයේ වඩාත්ම වෘත්තීයම හමුදාවක් බවට පත් කළ යුතු බවට ජනාධිපති අනුර කුමාර දිසානායක මහතා අවධාරණය කරයි.
මෙම අරමුණ සාක්ෂාත් කර ගැනීම සඳහා අවශ්‍ය පුහුණුව සහ පහසුකම් ලබා දීමට අවශ්‍ය අයවැය ප්‍රතිපාදන නිසි ලෙස යොමු කරන ලෙස ඔහු නිලධාරීන්ට උපදෙස් දී තිබේ.
ජනාධිපතිවරයා මෙම උපදෙස් ලබා දුන්නේ ඊයේ (26) පෙරවරුවේ ජනාධිපති ලේකම් කාර්යාලයේ පැවති 2026 වසර සඳහා ආරක්ෂක අමාත්‍යාංශයේ මූලික අයවැය සාකච්ඡාවේදීය.
ආරක්ෂක හමුදා සාමාජිකයන්ට ලබා දෙන විදේශ පුහුණු අවස්ථා පිළිබඳව විශේෂ අවධානයක් යොමු කරන ලෙස ද ජනාධිපතිවරයා උපදෙස් දුන්නේය.
