අයි.සී.සී. (ICC) විස්සයි විස්ස ලෝක කුසලාන තරගාවලියෙන් ශ්රී ලංකා කණ්ඩායම ඉවත් වීමට සිදුවීම ක්රීඩාවට ලැදි සෑම පුරවැසියෙකුටම දැඩි කලකිරීමක් ගෙන දෙන කරුණක් බව ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා පවසයි. සිය “X” ගිණුමෙහි විශේෂ සටහනක් තබමින් මන්ත්රීවරයා අවධාරණය කළේ ක්රිකට් යනු ශ්රී ලාංකිකයන්ට හුදු ක්රීඩාවකට එහා ගිය ජාතික අනන්යතාවයේ කොටසක් බවයි.
දක්ෂතාවයේ අඩුවක් නොමැති වුවද, දිගුකාලීන සැලසුම් සහ ක්රමානුකූලභාවය පවත්වා ගැනීමට අපොහොසත් වීම වත්මන් පසුබෑමට හේතුවී ඇති බව ඔහුගේ අදහසයි. විශේෂයෙන්ම ක්රීඩාවේ නායකත්වයේ ස්ථාවරත්වය ගොඩනැගීම සහ පරිපාලනයේ වෘත්තීයභාවය රැක ගැනීම අත්යවශ්ය බව ඔහු පෙන්වා දෙයි. කෙටි කාලීන “පැලැස්තර” විසඳුම් මගින් ඉහළම මට්ටමේ සාර්ථකත්වයක් අත්කර ගත නොහැකි බවත්, ඒ සඳහා නිසි වගවීමක් සහිත පැහැදිලි සැලැස්මක් අවශ්ය බවත් මන්ත්රීවරයා සඳහන් කළේය.
මීළඟ පරම්පරාව වෙනුවෙන් ක්රිකට් ක්රීඩාව පිළිබඳ විශ්වාසය නැවත ගොඩනැගීමේ අවශ්යතාවය පෙන්වා දුන් නාමල් රාජපක්ෂ මහතා, ක්රීඩකයන්ට සිය ජර්සියේ වටිනාකම සහ අභිමානය ලෝකයට ගෙන යාමට හැකි නිවැරදි පරිසරයක් නිර්මාණය කළ යුතු බවද පැවසීය. ශ්රී ලංකා ක්රිකට් ක්රීඩාවේ ප්රමිතීන් ඉහළ නැංවීමට සහ සිංහ සලකුණේ ආඩම්බරය නැවත දිනා ගැනීමට නිර්භීත තීරණ ගත යුතු බව ඔහුගේ පණිවිඩයේ වැඩිදුරටත් සඳහන් වේ.
