ජනලේඛන සහ සංඛ්‍යාලේඛන දෙපාර්තමේන්තුව විසින් 2025 දෙසැම්බර් මාසය සඳහා වන කොළඹ පාරිභෝගික මිල දර්ශකය සහ උද්ධමන අනුපාත වාර්තාව ප්‍රකාශයට පත් කර ඇත. ඒ අනුව, කොළඹ නාගරික ප්‍රජාවගේ පාරිභෝගික උද්ධමන අනුපාතය දෙසැම්බර් මාසය සඳහා 2.1% ක් ලෙස වාර්තා වී ඇති අතර, එය නොවැම්බර් මාසයේ වාර්තා වූ අගයට සමාන වේ.
ආහාර කාණ්ඩයේ වාර්ෂික උද්ධමනය දෙසැම්බර් මාසයේදී 3.0% ක් ලෙස සටහන් වූ අතර, එය ද නොවැම්බර් මාසයේ වාර්තා වූ 3.0% ක අගයෙහිම නොවෙනස්ව පැවතීම විශේෂත්වයකි. කෙසේ වෙතත්, ආහාර නොවන කාණ්ඩයේ වාර්ෂික උද්ධමනය නොවැම්බර් මාසයේ පැවති 1.7% ක අගයේ සිට දෙසැම්බර් මාසය වන විට 1.8% ක් දක්වා සුළු වැඩිවීමක් පෙන්නුම් කර ඇත.
