ජාත්යන්තර මූල්ය අරමුදල (IMF) විසින් ශ්රී ලංකාවට ලබා දී ඇති ණය පහසුකමේ හයවන කොටස කඩිනමින් නිකුත් කිරීමට එකඟත්වය පළ කර ඇත.
මෙම තීරණයට අනුව, ඇමරිකානු ඩොලර් මිලියන 350 කට ආසන්න මුදලක් සති දෙකක් වැනි කෙටි කාලයක් තුළ ශ්රී ලංකාවට හිමිවීමට නියමිතය.
පරිත්යාගශීලීන්ගේ සමුළුවේදී එකඟතාව:
මෙම වැදගත් එකඟතාවයට එළඹ ඇත්තේ මුදල් අමාත්යාංශයේදී අද (දින 04) පැවති පරිත්යාගශීලීන්ගේ සමුළුවේදීය. මෙම හමුවට විදේශ දූත මණ්ඩල, ද්විපාර්ශ්වික හා බහුපාර්ශ්වික හවුල්කරුවන් මෙන්ම ණය සපයන නියෝජිත ආයතන ද සහභාගී වී තිබේ.
සමස්ත ණය ප්රමාණය ඉහළට:
IMF විසින් හයවන වාරිකය මුදා හැරීමත් සමඟ, මෙතෙක් ශ්රී ලංකාවට ලැබී ඇති සමස්ත මුදල් ප්රමාණය ඇමරිකානු ඩොලර් බිලියන 2.082 දක්වා ඉහළ යනු ඇත.
මෙම සමුළුව මහ බැංකු අධිපති ආචාර්ය නන්දලාල් වීරසිංහ මහතා සහ භාණ්ඩාගාර ලේකම් ආචාර්ය හර්ෂණ සූරියප්පෙරුම මහතාගේ සම සභාපතීත්වයෙන් පැවැත්විණි.
