දිවයිනට බලපෑ ආපදා තත්ත්වය හේතුවෙන් පීඩාවට පත් වූ පුද්ගලයන්ගේ සමස්ත සංඛ්යාව 1,118,929 දක්වා ඉහළ ගොස් ඇති බව ආපදා කළමනාකරණ මධ්යස්ථානය (DMC) විසින් නිකුත් කරන ලද නවතම තත්ත්ව වාර්තාවේ සඳහන් වේ.
දිවයිනේ දිස්ත්රික්ක 25ක් ආවරණය වන පරිදි පවුල් 309,607ක් මෙම තත්ත්වයෙන් පීඩාවට පත්ව ඇත.
මරණ සහ අතුරුදන් වූවන්:
- ජීවිතක්ෂයට පත් වූ සමස්ත සංඛ්යාව: 334ක්
- අතුරුදන් වූ සමස්ත සංඛ්යාව: 370ක්
වැඩිම හානියක් සිදුවූ දිස්ත්රික්ක:
| දිස්ත්රික්කය | මරණ සංඛ්යාව | අතුරුදන් සංඛ්යාව |
| මහනුවර | 88 | 150 |
| බදුල්ල | 71 | 53 |
| නුවර එළිය | 68 | 64 |
අවතැන් වූවන් ආරක්ෂිත මධ්යස්ථානවල:
ආපදාවෙන් අවතැන් වූ පවුල් 55,747ක් අයත් පුද්ගලයන් 196,790ක් දිවයින පුරා පිහිටුවා ඇති ආරක්ෂිත මධ්යස්ථාන 1,494ක රැඳී සිටිති.
- බදුල්ල දිස්ත්රික්කයේ ආරක්ෂිත මධ්යස්ථාන 180ක් තුළ පුද්ගලයන් 22,373ක් රඳවා ඇත.
- කොළඹ දිස්ත්රික්කයේ ආරක්ෂිත මධ්යස්ථාන 104ක් තුළ පුද්ගලයන් 16,934ක් රැඳී සිටිති.
- ගම්පහ දිස්ත්රික්කයේ ආරක්ෂිත මධ්යස්ථාන 104ක් තුළ පුද්ගලයන් 18,190ක් රැඳී සිටිති.
