mediahumanrights.lk
Local NewsNews

චොකා මල්ලිගේ මරණ දඬුවම යළි තහවුරු කරන්නැයි කළ ඉල්ලීම ශ්‍රේෂ්ඨාධිකරණයට

හිටපු අමාත්‍ය ප්‍රේමලාල් ජයසේකර මහතා (චොකා මල්ලි) ඇතුළු විත්තිකරුවන් තිදෙනෙකු නිදොස් කොට නිදහස් කරමින් අභියාචනාධිකරණය දුන් තීන්දුවට එරෙහිව නීතිපතිවරයා ඉදිරිපත් කළ අභියාචනා පෙත්සමක් විභාගයට ගැනීමට ශ්‍රේෂ්ඨාධිකරණය අද (ජූලි 31) අවසර ලබා දුන්නා.

ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් විසින් පෙත්සම සලකා බැලීමෙන් පසු මෙම නියෝගය නිකුත් කළ අතර, එහි විභාගය 2026 පෙබරවාරි 13 වනදා දක්වා කල් තබා තිබෙනවා.

අභියාචනා පෙත්සම මගින් ඉල්ලා ඇත්තේ, අභියාචනාධිකරණයේ තීන්දුව නීතියට පටහැනි බැවින් එය බලරහිත කර, මහාධිකරණය විසින් විත්තිකරුවන්ට නිකුත් කරන ලද මරණීය දණ්ඩනය යළි තහවුරු කරන ලෙසයි.

මෙම නඩුවට හේතුව වූයේ, 2015 ජනාධිපතිවරණ සමයේදී කහවත්තේ පැවති දේශපාලන රැලියකට එල්ල වූ වෙඩි ප්‍රහාරයකින් ශාන්ත දොඩංගොඩ මහතා ඝාතනය කිරීමයි.

Related posts

ගව ඝාතන නීති සංශෝධනයට කැබිනට් අනුමැතිය හිමිවෙයි

Shiran Viraj

රාජ්‍ය බැංකු හතේම වැඩ වර්ජනයක් සූදානම්.. වැටුප් වැඩිකිරීම් ඉල්ලයි..

Shiran Viraj

මැන්චෙස්ටර් බෝම්බ ප්‍රහාරයේ හත්වෙනියාත් අත්අඩංගුවට

Shiran Viraj