ඩීසල් පෙට්‍රල් පාවිච්චි කරන්නේ රටේ ජනතාවගෙන් ඉතාම සුළු පිරිසක් පමණක් බව කර්මාන්ත අමාත්‍ය එස් බී දිසානායක මහතා සඳහන් කරයි.
කිසිම වාහනයක් නැති අහිංසක දුප්පත් ජනතාව ඒ සඳහා වන්දි ගෙවිය යුතු නැති බවද හෙතෙම පැවසීය.
පෙට්ට්‍රල් ඩීසල් මිල වැඩි කර එහි බර වාහන හිමියන්ට දරා ගැනීමට ඉඩ තිබිය යුතු බව ද හෙතෙම සඳහන් කරයි.
අද ඉන්ධන, කිරිපිටි පෝලිම්වල සිටින ජනතාව අපට කුණුහරපෙන් බනින බවද පැවසූ ඔහු මේ අර්බුදකාරී තත්ත්වය ඉදිරි මාස දහයක පමණ කාලයේ දී පහ වෙලා යනු ඇති බව ද සඳහන් කළේය.
ඔහු මෙම අදහස් පල කරන ලද්දේ තම නිවසේදී පැවති ජන හමුවක් අමතමිනි.
