mediahumanrights.lk
Local News News

ප‍්‍රභාකරන් උපන් ගමේ අලංකාර සරුංගල් සැණකෙලියක්…

යාපනය වලිකාමම් නැගෙනහිර කට්ටෙයිකාඩු වෙරල තීරයේ අලංකාර සරුංගල් සැණකෙලියක් මෙවර තයිපොන්ංගල් නිමිත්තෙන් සංවිධානය කොට තිබුනි.

යාපනය වැල්වැටිතුරෙයි වාර්ෂික සරුංගල් සැණකෙලිය පවතින කොරෝණා අවධානම ඇතුලු විවිධ පාර්ශවයන්ගේ විරෝධතාවන් හමුවේ නොපැවත්වීමට තීරණය කිරීම හේතුවෙන් වලිකාමම් නැගෙනහිර මුහුදු තීරයේදී මෙම සරුංගල් සැණකෙලිය කට්ටෙයිකාඩු ශාන්ත මරියා ක්‍රීඩා සමාජය විසින් සංවිධානය කොට තිබුණි.

කට්ටෙයිකාඩු වෙරලතීරයේ පැවති සරුංගල් සැණකෙලියේදී දෙමළ හින්දු ජනතාවගේ සංසකෘතින් විදහා දැක්වෙන අලංකාර වූ සරුංගල් නිර්මාණ මෙන්ම ගෙවී ගිය කාලයේදී ජනතාවට බලපෑ කොරෝණා වෛරසය, ගෑස් ගැටලු, පොහොර ගැටලු ආදියද විදහා දැක්වෙන සරුංගල් නිර්මාණ ඉදිරිපත්කොට තිබුණි.

උත්සව අවස්ථාව සඳහා දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතා ඇතුලු පිරිසක් සහභාගී වූ අතර සරුංගල් සැණකෙලියේ ජයග්‍රහාහකයින් වෙනුවෙන් පළමු දෙවන හා තෙවන ස්ථාන වෙනුවෙන් පිළිවෙලින් රුපියල් 20,000 , 15, 000 සහ 10,000 බැගින් ලබාදීමටද සංවිධායකයින් පියවර ගනු ලැබූහ.

– වන්නි රොමේෂ් මධුෂංඛ

Related posts

ශ්‍රී ලංකාවට පැට්‍රීෂියාගෙන් පැසසුම්

Shiran Viraj

ගැසට් නොකළ ආයතන ජනපති ලේකම් කාර්යාලය යටතට

Shiran Viraj

”එකෙක් හිරේ – අනිකා වලේ” ත්‍රීරෝද රථ සංගමයේ සභාපති ඝාතනයෙන් සතුටූ වූ හිටපු මන්ත්‍රී කහඳගම සතුටු වුන හැටි

Shiran Viraj